ശസ്ത്രക്രിയകളെക്കുറിച്ചുള്ള നമ്മുടെ പരമ്പരാഗത ധാരണകളെല്ലാം തിരുത്തിക്കുറിച്ചുകൊണ്ടാണ് ‘മിനിമലി ഇൻവേസീവ്’ അഥവാ കിഹോൾ സർജറികൾ മെഡിക്കൽ രംഗത്ത് സജീവമായത്. വലിയ മുറിവുകൾക്ക് പകരം ചെറിയ സുഷിരങ്ങളിലൂടെ ഓപ്പറേഷൻ സാധ്യമാക്കിയ ഈ രംഗത്തേക്ക് ഇപ്പോൾ മറ്റൊരു വിപ്ലവകരമായ സാങ്കേതികവിദ്യ കൂടി എത്തിയിരിക്കുകയാണ്—റോബോട്ടിക് സർജറി (Robotic Surgery).
കിഹോൾ സർജറിയുടെ അടുത്ത ഘട്ടമെന്ന് വിശേഷിപ്പിക്കാവുന്ന റോബോട്ടിക് ശസ്ത്രക്രിയകൾ ഇന്ന് ഓപ്പറേഷൻ തിയേറ്ററുകളിലെ വലിയൊരു അത്ഭുതമാണ്. പേര് കേൾക്കുമ്പോൾ റോബോട്ടുകൾ തനിയെ ഓപ്പറേഷൻ ചെയ്യുന്നു എന്ന് കരുതരുത്; വിദഗ്ദ്ധനായ ഒരു സർജൻ കമ്പ്യൂട്ടർ കൺസോളിന്റെ സഹായത്തോടെ അതീവ കൃത്യതയോടെ റോബോട്ടിക് കൈകളെ നിയന്ത്രിക്കുകയാണ് ഇവിടെ ചെയ്യുന്നത്.
ക്യാൻസർ സർജറികൾ, യുറോളജി, ഗൈനക്കോളജി തുടങ്ങിയ അതീവ സങ്കീർണ്ണമായ ശസ്ത്രക്രിയകളിൽ റോബോട്ടിക് സാങ്കേതികവിദ്യ ഇന്ന് രോഗികൾക്ക് വലിയ ആശ്വാസമാണ് നൽകുന്നത്.
ലാപ്രോസ്കോപ്പിയും റോബോട്ടിക് സർജറിയും തമ്മിലുള്ള കൃത്യമായ വ്യത്യാസങ്ങളെക്കുറിച്ചും, ഇവയിൽ ഏതാണ് കൂടുതൽ മികച്ചതെന്നും കിംസ് ഹെൽത്തിലെ വിദഗ്ദ്ധനായ ഡോക്ടർ . സജിത്ത് മോഹൻ ആർ (CONSULTANT , OBSTETRICS & GYNECOLOGY ) ലളിതമായി വിശദീകരിക്കുന്ന ഈ വീഡിയോ കാണുക.
Leave a Reply
This site uses Akismet to reduce spam. Learn how your comment data is processed.
