തെന്നിന്ത്യയിലെ അറിയപ്പെടുന്ന നടിയാണ് അദിതി റാവു ഹൈദരലി. അഭിനയമികവു കൊണ്ട് ആരാധകരുടെ മനം കവർന്ന താരം കൂടിയാണ്.
അടുത്തിടെ ഒരു അഭിമുഖത്തിൽ തന്റെ ഭക്ഷണരീതികളെക്കുറിച്ചും, വ്യായാമത്തെക്കുറിച്ചും, ഇഷ്ടപ്പെട്ട ലഘുഭക്ഷണങ്ങളെക്കുറിച്ചും അദിതി പറഞ്ഞിരിന്നു.
എനിക്ക് കഴിക്കാൻ തോന്നുന്നത് എന്താണോ അത് ഞാൻ കഴിക്കും. ആഗ്രഹങ്ങളെ അടിച്ചമർത്താറില്ലെന്നും താരം പറയുന്നു.
“മനസ് സന്തോഷമായിരിക്കണം എന്നതാണ് പ്രധാനം. അതുകൊണ്ട് ചോക്ലേറ്റോ പാനി പൂരിയോ കഴിക്കാൻ തോന്നിയാൽ ഞാൻ അത് കഴിച്ചിരിക്കും.”
മാത്രവുമല്ല എനിക്ക് ഇഡ്ഡലി വളരെ ഇഷ്ടമാണ്. ഈ തെന്നിന്ത്യൻ പ്രഭാത ഭക്ഷണം എനിക്ക് പ്രിയപ്പെട്ടതാണ്. മുട്ട ആരോഗ്യത്തിന് നല്ലതാണെന്ന് അറിയാവുന്നതുകൊണ്ട് ചിലപ്പോഴൊക്കെ അതും കഴിക്കാറുണ്ട്.
ഉച്ചഭക്ഷണം അധികവും സസ്യാഹാരമായിരിക്കും. ക്വിനോവ, ദാൽ-ചാവൽ (പരിപ്പും ചോറും), സബ്ജി തുടങ്ങിയവയാണ് ഉച്ചയ്ക്ക് കഴിക്കാറുള്ളത്. ലഘുഭക്ഷണമായി മഖാന കഴിക്കാൻ ഇഷ്ടമാണ്.
അത്താഴത്തിന് പ്രോട്ടീൻ ഉൾപ്പെടുത്താൻ ശ്രമിക്കാറുണ്ട്. മീൻ, സൂപ്പ്, ചിക്കൻ കട്ലറ്റ്, കബാബ് എന്നിവയാണ് അത്താഴത്തിന് തിരഞ്ഞെടുക്കാറുള്ളത്.
അത്താഴം നേരത്തെ കഴിക്കണം
അസ്തമയത്തിന് മുമ്പ് ഭക്ഷണം കഴിക്കുന്ന ശീലം പിന്തുടരാൻ താൻ ആഗ്രഹിക്കുന്നുണ്ടെന്ന് അദിതി പറയുന്നു.
“വൈകുന്നേരം 6.30-നും 7-നും ഇടയിൽ അത്താഴം കഴിക്കാനാണ് ഞാൻ ആഗ്രഹിക്കുന്നത്. പക്ഷേ അത് അപൂർവ്വമായേ നടക്കാറുള്ളൂ.
എങ്കിലും അത്താഴം വളരെ ലഘുവായിരിക്കാൻ ഞാൻ ശ്രദ്ധിക്കാറുണ്ട്. ചിലപ്പോൾ മീനോ ചെമ്മീൻ കറിയോ ഒക്കെ കഴിക്കാറുണ്ട്.
അങ്ങനെയുള്ള അവസരങ്ങളിൽ എനിക്ക് എന്നെ നിയന്ത്രിക്കാൻ കഴിയില്ല,” നടി പറഞ്ഞു. താൻ നേരത്തെ എഴുന്നേൽക്കുന്ന ആളാണെങ്കിലും, ആവശ്യമെങ്കിൽ രാത്രി
വൈകുവോളം ഉണർന്നിരിക്കാനും മടിയില്ലെന്ന് പിങ്ക്വില്ലയ്ക്ക് നൽകിയ അഭിമുഖത്തിൽ അദിതി വ്യക്തമാക്കി.
വ്യായാമം
വ്യായാമത്തിന്റെ കാര്യത്തിൽ കുറച്ചുകൂടി ചിട്ടയുള്ളവളാകാൻ താൻ ആഗ്രഹിക്കുന്നുവെന്ന് അദിതി പറയുന്നു. “എനിക്ക് യോഗ ചെയ്യുന്നതും നൃത്തം ചെയ്യുന്നതും വളരെ ഇഷ്ടമാണ്.
പക്ഷേ, ദിവസവും അത് ചെയ്യാൻ സാധിക്കാറില്ല. ഒരേ തരത്തിലുള്ള വർക്കൗട്ട് തന്നെ ദിവസവും ചെയ്യുന്നത് എനിക്ക് മടുപ്പാണ്. ഓരോ ദിവസവും വ്യത്യസ്തമായ എന്തെങ്കിലും ചെയ്യാനാണ് ഞാൻ ആഗ്രഹിക്കുന്നത്.”
ആരോഗ്യ വിദഗ്ധരുടെ അഭിപ്രായം
വൈകുന്നേരങ്ങളിൽ ലഘുവായ ഭക്ഷണം തിരഞ്ഞെടുക്കുന്നത് ശരീരത്തിന് എങ്ങനെ ഗുണം ചെയ്യുമെന്ന് കൺസൾട്ടന്റ് ഡയറ്റീഷ്യനായ ഗരിമ ഗോയൽ വിശദീകരിച്ചിട്ടുണ്ട്.
“രാത്രി വൈകി അമിതമായി ഭക്ഷണം കഴിക്കുമ്പോൾ ദഹനവ്യവസ്ഥ വിശ്രമമില്ലാതെ പ്രവർത്തിക്കേണ്ടി വരുന്നു.
ഇത് ഉറക്കത്തിന്റെ ഗുണനിലവാരത്തെയും മെറ്റബോളിക് ബാലൻസിനെയും കോശങ്ങളുടെ അറ്റകുറ്റപ്പണികളെയും ദോഷകരമായി ബാധിക്കും,” ഗരിമ ഗോയൽ പറഞ്ഞു.
ലഘുവായ അത്താഴം എന്നാൽ കുറഞ്ഞ അളവിൽ അന്നജവും, അനാരോഗ്യകരമായ കൊഴുപ്പും ഒഴിവാക്കി, കൂടുതൽ പച്ചക്കറികളും ലീൻ പ്രോട്ടീനും ഉൾപ്പെടുത്തുക എന്നതാണ്.
ഇത് ദഹനം എളുപ്പമാക്കാനും നല്ല ഉറക്കം ലഭിക്കാനും സഹായിക്കും. സ്ഥിരമായി ലഘുവായ അത്താഴം കഴിക്കുന്നത് ദഹനം മെച്ചപ്പെടുത്താനും, ഉറക്കം ശരിയാക്കാനും,
മൊത്തത്തിലുള്ള ആരോഗ്യം നിലനിർത്താനും സഹായിക്കുമെന്ന് വിദഗ്ധർ അഭിപ്രായപ്പെടുന്നു.
Leave a Reply
This site uses Akismet to reduce spam. Learn how your comment data is processed.
