ഇതേക്കുറിച്ചുള്ള വീഡിയോ താഴെ കാണുക.
രോമവളര്ച്ചയ്ക്ക് പരിഹാരമായി വീട്ടില് തന്നെ നാച്വറല് വാക്സിംഗ് പായ്ക്കുകള് ഉണ്ടാക്കാന് സാധിയ്ക്കും.
തികച്ചും പ്രകൃതിദത്ത ചേരുവകളാണ് ഇതിനായി ഉപയോഗിയ്ക്കുന്നത്. ഇതെക്കുറിച്ചറിയാം.
1. മഞ്ഞൾ പൊടി, പാൽ, റോസ് വാട്ടർ
മഞ്ഞൾപ്പൊടി, പാലും റോസ് വാട്ടറും ചേർത്താണ് ഈ മിശ്രിതം തയ്യാറാക്കുന്നത്.
മഞ്ഞൾപ്പൊടി എടുത്ത് അതിലേക്ക് അല്പം പാലും റോസ് വാട്ടറും ചേർത്ത് നന്നായി അരച്ച് ഒരു കട്ടിയുള്ള പേസ്റ്റ് ഉണ്ടാക്കുക.
ഈ പേസ്റ്റ് ശരീരത്തിലെ അനാവശ്യ രോമങ്ങളുള്ള ഭാഗങ്ങളിൽ പുരട്ടുക. ഉണങ്ങിയ ശേഷം ഇത് പതിയെ ഉരച്ച് കഴുകിക്കളയാം.
ആഴ്ചയിൽ മൂന്ന് തവണ ചെയ്യുന്നത് അനാവശ്യ രോമവളര്ച്ച ഒഴിവാക്കാന് നല്ലതാണ്.
മഞ്ഞള് അലര്ജിയുണ്ടാക്കുന്നവരെങ്കില് പാച്ച്ടെസ്റ്റ് ചെയ്ത ശേഷം മാത്രം ഇത് ചെയ്യുക. ചര്മത്തിന് നിറവും തിളക്കവും ലഭിയ്ക്കാനും ഈ കൂട്ട് സഹായിക്കും.
2. മുട്ട, പഞ്ചസാര, കോൺഫ്ലവർ
മുട്ടയുടെ വെള്ള, കുറച്ച് പഞ്ചസാര, ഒരു ടേബിൾസ്പൂൺ കോൺഫ്ലോർ അല്ലെങ്കിൽ അരിപ്പൊടി എന്നിവ ഉപയോഗിച്ചാണ് ഇത് തയ്യാറാക്കുന്നത്.
മുട്ടയുടെ വെള്ള എടുക്കുക. അതിലേക്ക് ആവശ്യത്തിന് പഞ്ചസാരയും ഒരു ടേബിൾസ്പൂൺ കോൺഫ്ലോർ അല്ലെങ്കിൽ റൈസ് ഫ്ലോറും ചേർത്ത് നന്നായി യോജിപ്പിച്ച് ഒരു പേസ്റ്റ് രൂപത്തിലാക്കുക.
ഈ മിശ്രിതം മുഖത്ത് പുരട്ടി ഉണങ്ങിയ ശേഷം പതുക്കെ വലിച്ചൂരി മാറ്റാം. ഇത് രോമം ഉള്ളിടത്ത് പുരട്ടി ഉണങ്ങാന് അനുവദിയ്ക്കുക.
ഇതിന് ശേഷം ഇത് പതുക്കെ വലിച്ചെടുക്കാം. ഇത് ഒരു പാളി പോലെ പൊളിഞ്ഞുവരും.
ഇത് മുഖത്തെ ചെറിയ രോമങ്ങൾ നീക്കം ചെയ്യാനും ചര്മത്തിന് ഇറുക്കം ലഭിയ്ക്കാനും സഹായിക്കും.
3. പഞ്ചസാര, നാരങ്ങാനീര്, വെള്ളം
2 ടേബിൾസ്പൂൺ പഞ്ചസാര, 1 ടേബിൾസ്പൂൺ നാരങ്ങാനീര്, അല്പം വെള്ളം എന്നിവയാണ് വേണ്ടത്.
ഇവയെല്ലാം ഒരുമിച്ച് കൂട്ടിച്ചേർത്ത് നന്നായി യോജിപ്പിക്കുക. ഈ മിശ്രിതം മുഖത്തോ ശരീരത്തിലോ പുരട്ടി 20 മിനിറ്റ് നേരം വെക്കണം.
ശേഷം തണുത്ത വെള്ളം ഉപയോഗിച്ച് കഴുകി കളയുക. ഏറ്റവും നല്ല ഫലം ലഭിക്കാൻ ഈ പ്രക്രിയ ആഴ്ചയിൽ മൂന്ന് തവണ ചെയ്യാവുന്നതാണ്.
ഇത് ചർമ്മത്തിന് തിളക്കം നൽകാനും രോമവളർച്ച കുറയ്ക്കാനും സഹായിക്കും.
രോമങ്ങള്ക്ക് ബ്ലീച്ചിംഗ് ഇഫക്ട് നല്കാനും ഇതിലെ നാരങ്ങാനീര് സഹായിക്കും.
4. തേൻ, നാരങ്ങാനീര്
ഒരു ടേബിൾസ്പൂൺ തേനും അര ടീസ്പൂൺ പുതിയ നാരങ്ങാനീരും എടുക്കുക. ഇവ രണ്ടും നന്നായി യോജിപ്പിച്ച് മുഖത്തെ രോമങ്ങളുള്ള ഭാഗത്ത് നേരിയതായി പുരട്ടുക.
ഏകദേശം 20 മിനിറ്റ് നേരം ഇത് ഉണങ്ങാൻ അനുവദിക്കുക. അതിനുശേഷം, ഒരു വൃത്തിയുള്ള തുണി ചെറുചൂടുവെള്ളത്തിൽ മുക്കി മുഖത്തെ മിശ്രിതം മൃദുവായി തുടച്ചു മാറ്റുക.
തേൻ മുഖത്തെ ചെറിയ രോമങ്ങളിൽ പറ്റിപ്പിടിക്കുകയും വെള്ളത്തിൽ കഴുകുമ്പോൾ ഇവ നീക്കം ചെയ്യാന് സഹായിക്കുകയും ചെയ്യുന്നു.
നാരങ്ങാനീര് ഒരു പ്രകൃതിദത്ത ബ്ലീച്ചിംഗ് ഏജന്റായി പ്രവർത്തിക്കുകയും കാലക്രമേണ മുഖത്തെ രോമങ്ങളുടെ നിറം കുറയ്ക്കുകയും ചെയ്യും.
Recommended for you
Leave a Reply
This site uses Akismet to reduce spam. Learn how your comment data is processed.
